英女皇登基70周年　年屆96歲被醫生禁喝愛酒　活到這年紀應該隨心所欲　還是健康優先？

2022年係英女皇登基70周年，又稱白金禧，由6月2日開始英國一連4日會有連串慶祝活動。年屆96歲的英女皇係英國史上最長壽的君主，亦係目前在位時間最長的英國君主。

女皇一向鍾意小酌，據知以前佢由中午就開始飲酒，一日大概會飲4杯，最愛的酒係Dry Martini，臨瞓前仲會飲杯香檳幫助入眼。不過根據美國雜誌Vanity Fair報導，為了迎接6月的登基慶典，女皇早前已被醫生要求戒酒，以確保健康，可以用最佳狀態來迎接依個重要時刻。所以除了出席特殊場合外，英女皇暫時無再飲酒。

有消息人士就話，雖然戒酒對英女皇來說唔難，因為佢本身都飲得唔多，但就認為女皇的人生都去到依個階段，仲要佢放棄為數不多的樂趣，似乎對佢有點唔公平。

大家又點睇呢？活到英女皇依個年紀，應該係隨心所欲，定還是都係以健康為先呢？不過佢係英女皇，唔係一位普通的老人家，有些事可能真係無辦法想點就點。

相關閱讀：瑞士111歲人瑞：每一天都是全新的一天