你有年齡焦慮嗎？7位50至80歲女明星分享對年齡睇法：歲月的磨練令女性變得珍貴強大

面對外貌同身型的轉變，你有無感到年齡焦慮？響強調凍齡同優雅變老的社會，選擇自然老去彷彿不被接受？以下7位50至80歲的外國女明星分享對年齡的睇法，或者可以引起你的共鳴，一齊學習點樣享受年齡所帶來的改變吧！

7位50至80歲女明星分享對年齡睇法

1. Sandra Oh (51歲)

獲得金球獎電視劇最佳女主角獎的韓裔女演員Sandra Oh，幾年前接受訪問時講到：「47歲嘅我比20歲時更有自信。彷彿年紀愈大，介意嘅事情就愈少。而家嘅我拋開咗顧慮，願意接受一切新鮮嘅挑戰。」

2. Jennifer Lopez (53歲)

美國著名歌手Jennifer Lopez坦言自己響每個階段都希望能保持年輕，雖然去到某個時間點，必然會衰老，但在那個時間點之前，你可以決定自己要幾強壯、生命有幾活躍、思想有幾年輕，對於依一切，你有最終決定權。

3. Halle Berry (56歲)

憑《擁抱豔陽天》獲得金像獎最佳女主角的Halle，直言會留意自己臉上同身體的變化，但人人都會變老、會有皺紋，她唔會將焦點放響這些細節上，因為美麗唔淨止係肉體的青春，仲可以有更深遠的含意，她說：「一個美麗的人，一定要懂得生活、識得回饋他人、同人保持聯繫，思想、身體同靈魂都得到滋養，美麗的人的光芒係從心而發。」她極不認同女性去到某個年紀就會失去價值，她反而認為歲月的磨練，令女性變得更加珍貴同強大。

4. Sarah Jessica Parker (57歲)

當年紅極一時的《色慾都市》的女主角Sarah，轉眼間今年已經57歲。2021年《色慾都市》推出續集，當時Sarah面對好多對她外貌的批評，討論她的白頭髮同皺紋，她覺得社會大眾似乎唔希望中年女性坦然面對自己的年齡，「佢哋好似想見到我哋為咗老化同年齡而糾結痛苦。」無論係選擇自然地老去，定係做微調保持青春，都總有批評的聲音，無法滿足每個人，Sarah說：「我個外表就係咁，我無得揀。唔通我要停止衰老？定係要消失？」

5. Susan Sarandon (75歲)

1996年憑《死囚168小時》奪得奧斯卡影后的Susan Sarandon，現年75歲。她於70歲接受訪問時說到：「我唔敢相信自己已經70歲！我成日唔記得自己的年齡，我的內心係年輕、充滿好奇。」而保持心境年輕的秘訣，Susan認為必須充滿好奇心，同埋享受每個當下。健康的生活習慣亦相當重要，唔食煙，多飲水，唔好飲咁多酒。

6. Helen Mirren (77歲)

響《黛妃與女皇》飾演英女王伊莉莎白二世的Helen，分享對「優雅地變老」的睇法，她說：「即使唔優雅地變老，都無咩唔好，就順其自然吧！」Helen認為活在當下更重要，「每個年齡都有優點同缺點，但最特別的嘅係，你會發現自己唔想回到過去！全心全意擁抱眼前有嘅一切，依個係一路累積而來的寶貴經驗。」

7. Jane Fonda (84歲)

70年代紅極一時的奧斯卡影后Jane Fonda回憶踏入60歲的時候，她意識到自己正邁向人生的第三幕 —— 最終章，她確切地知道自己唔想帶住任何遺憾走完依章，所以之後的每個決定她都係以「不留遺憾」為目標。而家已經84歲的她說：「當年紀漸大，就發現年紀唔再係時間，一切取決於心態，84歲可以好老，都可以好年輕。」

相關閱讀：如何優雅地邁入樂齡？7個你也做得到的方法