跟76歲奧斯卡影后Diane Keaton學熟齡穿搭技巧 善用高腰褲拉長比例 兩樣配件不可或缺
今年76歲的奧斯卡影后Diane Keaton，憑住獨特的穿搭觸角，將有型俐落的個人風格發揮得淋漓盡致，原來熟齡穿搭都可以又潮又好睇！
Keaton的IG有200萬人追蹤，她即使年過70歲仍然勇於嘗試，唔會只以寬鬆剪裁遮蓋身形，響她的IG上，唔難發現她鍾意以搶眼的帽子、泡泡裙、高腰褲等示人，以下幾個係Keaton常用的穿搭法，大家趕快學起來！
1. 高腰褲拉長比例
無論褲定裙，Keaton都鍾意著高腰款式，視覺上有助拉長雙腳的比例，而她通常會選擇比較挺身的質地，睇落更加俐落。顏色方面，黑色同灰色都係Keaton的常用顏色。
2. 配搭超粗皮帶
粗皮帶絕對係Keaton的愛用配飾，無論係著裙、褲定大褸，都會加上超粗皮帶，成為整個穿搭的重點，可以飾修腰線之餘，亦增添型格。
3.善用帽子
為咗令造型有更多細節，Keaton幾乎都會配襯帽子，有時係比較浮誇的大黑帽、有時係簡單的冷帽，好似上圖例子咁，由於閃閃的外套已經十分搶眼，Keaton就配襯一頂低調的黑色絨毛帽。