一代明星嘉玲睡夢中離世享壽87歲　關於嘉玲你可能不知道的7件事：同資深演員係母子關係？

香港一代女星嘉玲，日前響泰國在睡夢中過世，享壽87歲。嘉玲響50、60年代紅極一時，以下係關於她生平的其中7件事，你又知道幾多樣呢？

1. 嘉玲原名係何佩英，藝名「何嘉玲」，1955年轉投光藝製片公司後，以「嘉玲」之名拍戲，係光藝三位當家花旦之一。

2. 嘉玲的氣質高貴優雅，1955年第一次拍電影《三妻奇案》就做女主角，而且迅速走紅。

3. 嘉玲響1967年息影，十幾年間拍攝超過60幾部電影，包括《花花公子》、《英雄本色》、《人海奇花》等等。

4. 嘉玲同四哥謝賢謝賢合作過唔少電影，例如《鴛夢重温》、《歡喜冤家》、《山盟海誓》，現實裡二人亦拍拖長達7年，係影迷眼中的金童玉女，四哥亦公開承過嘉玲係佢其中一位最深愛的女朋友。嘉玲生前接受訪問時透露，當年自己想結婚，但四哥正值事業高峰未有結婚打算，所以雙方和平分手，再見亦是朋友。

5. 嘉玲1963年嫁給泰國華僑姚武麟，息影並隨丈夫移居到曼谷。婚後二人育有1子2女，她後來亦歸化泰籍，並擁有泰國名字Patsy Wongsanguan。

6. 嘉玲近年身體健康轉差，關節問題使活動力受阻，2017年底完成髖關節手術後，出入需要用拐杖。至近期因肺部問題，需要請護士日夜照顧，早前因慢性阻塞性肺病去世。

7. 嘉玲去世後，外界始得原來她仲有一個秘密兒子——知資深演員黃栢文。嘉玲入行前曾誕下一子，但後來夫妻離異，兒子跟隨爸爸去外國生活，直至8歲才回港，嘉玲知道後主動聯絡相認，但由於工作關係並未公開母子關係。

雖然對外界保密關係，但黃栢文指母子關係唔錯，同一般母子無咩分別，嘉玲係一個好媽媽，自己兩個月前先去完泰國探望母親。黃栢文話嘉玲已經病了一段日子，連呼吸都好辛苦，雖然離世令人傷心，但從另一方面睇都係一種解脫，希望媽媽安息。