61歲劉德華低調睇10歲愛女表演 同場家長激讚親切兼凍齡 獲網友封「稱職星爸」
61歲的劉德華最近被網民野生捕出席10歲愛女劉向蕙的學校表演，即使華仔當日以全黑西裝造型出席，仍然難掩巨星魅力，好快就被眼利的網民認出，並指他低調又親切，其他網友更驚訝他保養得好好，完全唔似61歲。
劉德華同太太朱麗倩響2009年被爆出已婚，到2011年5月，劉德華大方宣布做爸爸。愛女劉向蕙出世後，華仔就做咗廿四孝爸爸，幫手揀學校之餘，仲會親自開車送囡囡返學。向蕙今年已經10歲，最近有份參與學校表演，一向寵囡的華仔當然唔會錯過，同太太朱麗倩低調到場欣賞。
華仔當日穿著全套黑色西裝、戴住口罩，身型keep得非常好的他好快就被同場家長認出來，中國微博帳號「芒果媽媽」早前就PO出幾張華仔出席愛女活動的相片，見他眼睛帶笑坐響觀眾席上睇表演，之後亦有同其他家長親切互動，非常親民。
唔少網民指華仔狀態實在太好，睇落完全唔似61歲，又封他為「稱職星爸」，值得其他爸爸們學習。