fbpx Web Interstitial Ad Example

61歲張學友擔心腦退化 靠玩依個遊戲訓練腦袋!自曝幾年零收入 怕煩唔做包租公

61歲嘅歌神張學友,最近接受香港電台訪問時自爆依幾年幾乎零收入,但因為怕麻煩唔想做包租公,名下物業都只係自用,佢又同大家分享自己用咩方法keep住腦筋靈活同埋身體健康,即刻睇落去啦!

怕麻煩唔做包租公

依幾年新冠肺炎肆虐,全球都受到影響,連歌神張學友都唔例外,好多表演活動都要暫停,佢最近接受訪問時,自爆近依幾年零收入。而投資方面佢話自己趨向保守,多數選擇低風險類型,又因為怕麻煩而唔想做包租公,「我覺得租畀人好辛苦,明明打風唔關我事,但窗漏水、樓上漏水又關我事,又要我去處理。」學友話目前所有物業都係自用,其他唔使用嘅物業都已經賣出去。

張學友

靠玩遊戲、打波保持狀態

當主持問佢平時有咩娛樂,學友就話通常係打波,恆常打波主要係為咗保持身體狀態。當然唱歌都係佢最大娛樂,平時練歌就當係娛樂,佢話好想keep住一個穩定嘅狀態,當如果需要佢上台表演時,可以馬上ready。而61歲嘅佢亦好注意腦袋係咪靈活,佢話而家成日玩數獨遊戲,主要係訓練腦袋,希望唔好咁快退化。

相關閱讀:61歲劉德華低調睇10歲愛女表演 同場家長激讚親切兼凍齡 獲網友封「稱職星爸」

優先訂閱電子報

免費獲取50+精選資訊
掌握最新動向  一起追尋生命的寶藏