53歲福山雅治坦言唔識時下年輕偶像：即使脫節都無所謂，唔使迫自己跟上時代

53歲日本藝人福山雅治多才多藝，唔單止係創作歌手、演員、電台DJ，更加係一名專業攝影師，幾乎由出道開始紅到而家。

雖然貴為一線頂級藝人，不過福山雅治平時甚為低調，更加謹慎到從來未被狗仔隊偷拍過，私生活保護得相當好。

踏入中年嘅福山雅治早前坦言，其實自己唔係好記得時下偶像組合、年輕演員嘅名字，唔係因為太多人出道、或者記性差咗，而係關唔關心嘅問題。好多人認為唔知道社會潮流就等同脫節，不過福山雅治就唔係咁睇，佢認為即使脫節都無咩所謂，唔使夾硬迫自己跟上時代。

佢話正正因為自己有其他真正關心嘅事情，所以一啲都唔介意自己無跟上潮流，佢表示：「只要隨便上網、睇雜誌，都會大概知道世界大事、日本情況，咁樣就可以喇，最重要係自己最根本的東西無改變。」

潮流每時每刻都在變化，要追可能永遠都追唔完。年紀愈大愈清楚明瞭自己最在意甚麼，人生就係一場取捨，將有限嘅時間留畀真正關心嘅事情，只要知道自己做緊咩，即使脫節又何妨呢？

相關閱讀：50歲木村拓哉養生飲食法：納豆酵素糙米飯