62歲黃子華坐摩天輪宣傳新戲《毒舌大狀》 新一年期許：腳踏實地，唔好不勞而獲
賀歲片《毒舌大狀》早前舉辦宣傳活動，請全港市民免費搭香港摩天輪，主角之一黃子華出席活動，更在摩天輪上許下新年願望，對於新一年嘅期許，子華繼續以金句式回應。
黃子華響坐摩天輪期間大爆金句，佢認為做人應該要「腳踏實地，多勞多得，唔好不勞而獲。」
上一套電影《飯戲攻心》票房大賣，會唔會令佢對《毒舌大狀》信心大增呢？子華就話《毒舌大狀》票房要過4000萬先回到本，佢抱持住樂觀而審慎嘅態度，更笑言如果電影票房有佳績，「老闆好捨得，可以請大家搭潛艇，坐直升機再降落響潛艇上面都無問題。」