假如陳寶珠年青時有社交平台？電影資料館「寶珠I珠」短片 滿足影迷好奇心
如果年青時嘅陳寶珠有玩社交平台，到底會係點樣呢？香港電影資料館特意從陳寶珠時裝片中精選咗青春、摩登、型格嘅片段，剪輯成名為「寶珠I珠」嘅短片畀大家欣賞！
今年76歲嘅陳寶珠，一向有「影迷公主」之稱，響60年代紅極一時，以青春玉女形象為人熟悉，代表作有《女殺手》、《彩色青春》、《青春的一抹彩色》、《玉女添丁》等等，寶珠響時裝片中無論衣食住行定消遣玩樂，總係多姿多采、朝氣洋溢，係當時好多少女嘅模仿對象。
而家依個年代幾乎個個明星都用社交平台分享生活、同粉絲互動，但響舊時想知道偶像私底下嘅一面真係難過登天。香港電影資料館特意從陳寶珠時裝片中精選青春、摩登、型格嘅片段，剪輯成名為「寶珠I珠」嘅短片，套入仿今日流行嘅社交平台版面，展現依位玉女紅星「igable」的生活品味，重構60年代繽紛絢麗嘅青春圖象，滿足返大家嘅好奇心，即刻去片！