張惠妹照顧83歲癌病母停工一年　把時間留給珍惜的人

今年踏入50歲的張惠妹 (阿妹)，幾年前為照顧癌症初癒的83歲母親，特地停工一年專心陪伴，雖然停工後收入大減，但陪伴家人的時間永遠無法用錢來衡量。

接媽媽同住貼身照顧

四年前，張惠妹媽媽確診大腸癌，加上本身患有糖尿病、高血壓，醫生建議必須盡快開刀。雖然張媽媽手術後恢復情況良好，但情緒起伏不定，其他家人點安慰都無用，只有阿妹可以安撫到媽媽心情。為了好好陪媽媽養病，阿妹決定暫停演藝工作，將媽媽接去台北同住方便照顧。張媽媽本身響台東住獨立別墅，唔太適應城市生活，阿妹想媽媽來到台北後一樣住得舒適，於是立即在新北市買了一棟豪宅，等媽媽可以在寬敞寧靜的空間休養。

張惠妹買給媽媽休養的豪宅約17,800平方呎，群山圍繞環境清幽。

陪伴媽媽比賺錢重要

阿妹唔單止為媽媽大灑金錢，停工後每次媽媽覆診時她都陪同前往，對媽媽的病況細節瞭若指掌。當媽媽鬧脾氣時，貴為天后的她會好似氹小朋友咁氹媽媽開心，照顧得無微不至。

雖然停工期間錯過好多工作機會收入大減，不過張惠妹走到依個人生階段，該擁有的都擁有了，物質生活絲毫不缺，但媽媽的健康、同屋企人相處的時間，無論有幾多錢都買唔到，所以對她來說，能夠多陪媽媽一日比起賺錢重要，依段時間亦會係她往後珍貴的回憶。

人最緊要知道自己想要甚麼，仲能夠陪伴屋企人時就好好陪伴，將時間留給珍惜的人。父母年紀大了，這些相處的時光錯過了就可能無法再有，一齊響屋企舒服地食下飯傾下偈，簡簡單單已經足夠。

相關閱讀：免費支援照顧者服務：「照顧達人」