64歲仍明艷照人！跟莎朗史東學優雅地變老4大秘訣：低GI食物、戒斷咖啡因、經常活動身體…
莎朗史東憑住《本能》響觀眾心目中留下深刻印象，今年已經64歲的她，依然明艷照人，舉手投足仍然充滿魅力。43歲那年莎朗史東腦中風，之後用了兩年復健，依段經歷改變了她，令佢唔再執著凍齡，反而想優雅地變老，一齊睇下佢有咩秘訣！
莎朗史東優雅地變老4大秘訣
1. 選擇食低GI食物
低GI食物有助穩定血糖，避免血糖急速上升，多食低GI食物唔單止有助防止脂肪累積、控制體重，仲可以降低心血管疾病、高血壓、 糖尿病等機率，十分多好處。低GI食物包括：藜麥、蔬菜、扁豆、雞蛋、魚肉、雞胸肉等等。
2. 戒酒和咖啡因
莎朗史東接受訪問時講過，佢唔飲咖啡因飲品，亦都極少飲酒，曾經為了達到更好的健身效果，完全戒酒3個月，而佢覺得個變化十分明顯。
3. 經常活動身體
莎朗史東認為唔一定要成日去健身房，但一定要每日都活動身體，最好係做一些可鍛鍊肌力的阻力運動。即使係響片場拍戲時，佢都會做抬腿、後踢、原地彈跳，仲會響雙臂綁上鉛塊再向上推！另外，佢都會輪流做Pilates、瑜珈、跳舞，運動類型十分廣泛。
4. 停下來休息
適時放鬆，等自己有喘息充電的空間，莎朗史東好鍾意窩響梳化，做些自己喜歡的事，例如一邊飲綠茶一邊睇書，佢認為絕對需要為自己預留me time。