59歲張兆輝分享夫妻之道:做男人要讓多步,就有好日子過;無論幾嬲都好,鬧交唔好講離婚
張兆輝新戲《被消失的凶案》早幾日舉行首映禮,同戲演員仲有任達華、邵美琪、林雪等,位位都係好戲之人,輝哥響戲中飾演警察,奉命調查屍體發現案。

出名係愛妻號的張兆輝,同戲中太太(顏子菲飾演)夫妻關係惡劣,一見面就鬧交,甚至互掟雜物,輝哥就話現實生活中絕對唔會發生。
張兆輝同太太郭碧妍結婚20幾年仍然恩愛如昔,輝哥仲分享夫妻之道:「退一步海闊天空,鬧交時唔好諗對方缺點,你會愈諗愈嬲。多想對方的優點,你會好快順返條氣,做男人要讓多步,就有好日子過。」佢之前亦響訪問提過,無論幾嬲都好,「鬧交時千祈唔好講『離婚』兩個字,好多時係因為講咗出口,大家都硬頸,收唔返。」