56歲吳君如獲邀成為奧斯卡評審 唯一香港演員代表 笑言以後同湯告魯斯並排
56歲的吳君如今日（29日）響IG面拍片發佈喜訊，指自己今日凌晨收到來自奧斯卡的電郵，邀請她成為會員，君如直言起初完全唔敢相信，到睇清楚電郵內容後激動得忍唔住大叫！
君如響IG短片裡亦表現得好激動，完全feel到佢興奮之情，佢笑言自己「終於可以打入荷里活權力核心，以後係咪同湯告魯斯同梅麗史翠普並排？」
君如今次收到的邀請其實係奧斯卡評審，可擁有明年第95屆奧斯卡頒獎禮的投票權。奧斯卡今年新增397名評審，而君如係唯一一位獲邀的香港演員，另外亦有兩位香港電影幕後人員獲邀成為評審，包括電影監製許月珍（Jojo Hui），同埋從事電影發行的徐寬（Fred Tsui）。