倪匡遺體已火化 身後事一切從簡 新抱周慧敏：遵奉遺訓不設儀式不發訃聞
倪匡日前傳出逝世消息，及後其新抱周慧敏在Facebook發文，正式宣佈老爺在子女媳婦陪伴下離世，倪匡身後事一切從簡，不設儀式不發訃聞。
以下為周慧敏帖子全文：
「我們敬愛的父親倪匡先生於2022年7月3日蒙C寵召，在香港防癌會賽馬會癌症康復中心安詳離世，子女媳婦陪伴在側，享壽90歲。
遵奉遺訓不設儀式不發訃聞，一切從簡。遺體已於7月5日移往哥連臣角火葬場火化。
女兒倪穗、兒子倪震、媳婦周慧敏 謹啟」
當中提到「蒙C寵召」，好多人都以為係周慧敏手誤打錯字，但有書迷網文拆解這個「C」字蘊藏含意，係出自倪匡《衛斯理系列》的《頭髮》。書中提到外星人派遣複製人Ａ、Ｂ、Ｃ、Ｄ四人到地球，創立了四大宗教，而C的角色原形就係耶穌。
周慧敏提到遵奉倪匡遺訓，身後事一切從簡，不設儀式不發訃聞，遺體於逝世後兩已經火化。倪匡響早年訪問曾經提到，自己對死亡睇得好淡，唔怕死只係怕病，認為離世只不過係早日解脫。他亦講過對身後事的想像，認為海葬就好，無需花幾十萬去買骨灰位。
願化作一縷輕煙的倪匡先生，響另一個世界逍遙自在活得快樂。