9月邁入50歲 樣貌外型依然fit爆!陳慧琳凍齡保養3大秘訣:自製水果美顏水

今年9月就踏入50歲的陳慧琳 (Kelly),早前出席第40屆金像奬擔任頒獎嘉賓,久未露面的她穿著一身香檳色長裙,配上波浪長曲髮,高貴優雅,網民仲大讚Kelly無論身型定係樣貌都唔似快將50歲,歲月在她身上彷彿不留痕跡。

陳慧琳Kelly接受訪問時表示,如果接到好劇本都想再拍戲,而她亦有留意新世代偶像,不過就特別提到唔想演偶像們的「媽媽」,「我唔想做阿媽,做家姐得唔得?」十分風趣。其實Kelly保養得咁好,點睇都唔似年青偶像的媽媽,到底她平時係點保養呢?

Kelly 凍齡保養3大秘訣

1. 少食多餐控制體重

Kelly的身型一直無咩大變化,即使產後亦好快回復體態,她的心得係「少食多餐」,認為依種進食模式最容易控制體重,如果餐與餐之間真的係肚餓,都只會以水果等低熱量食物來充饑。

另外一個小秘訣就係刷牙,Kelly之前接受訪問時講過,自己外出隨身帶備牙膏牙刷,諗起就去刷一刷,因為滿口牙膏薄荷味,可以降低食慾。

2. 食原型食物,少食加工食品

Kelly話自己盡量只食原型食物,同埋低熱量的健康食品,少食加工食物。她亦好注重飲食均衡,五大類食物都會食但絕對唔會過量。

3. 充足睡眠 & 運動

唔夠瞓成個人都會無精神,所以Kelly話瞓覺係最好的護膚品,一得閒就補充睡眠。運動方面,她認為無論做邊種運動,最緊要持之以恆,她個人就鍾意跑步同游水。

4. 多飲水,自製水果水

多飲水係Kelly維持皮膚健康的秘訣,她曾經透露自己響出席重要場合前的3、4天會不停飲水,為皮膚補充水分,通常幾日後皮膚就會充滿光澤,更易上妝。另外,她亦會將水果加入水中,例如士多啤梨、藍莓、檸檬等等,這些水果蘊含維他命C,有助美白排毒。

相關閱讀:64歲仍明艷照人!跟莎朗史東學優雅地變老4大秘訣:低GI食物、戒斷咖啡因、經常活動身體…