林嘉華公開滿頭白髮照　展現65歲真實狀態　現長居加拿大陪伴90歲高齡父母

久久無響幕前出現的林嘉華，現年65歲的他原來已經回到加拿大同家人生活，並在加拿大中文電台擔任主持，閒時到處遊山玩水，過著半退休的生活。

早前林嘉華公開近照，並留言道：「慶祝父親節，家中食火鍋，三代同堂，兩個父親個個食到笑呵呵！仲有意大利甜品Tiramisu，食到飽飽去瞓覺。」雖說三代同堂，不過公開的照片中只有他、太太同仔仔兩代合照，原來林嘉華90歲的父母唔想出鏡，所以尊重他們無公開合照。

林嘉華接受媒體訪問時指，父母已屆90歲高齡，為了抽更多時間陪伴他們，推掉唔少香港同內地的工作機會。他又說父母感情好好，90幾歲仲會拍拖行超市、唱粵曲，但疫情關係唔想父母出太多街，所以他就同太太留在加拿大專心陪伴父母。

另外，網民對林嘉華的滿頭帶微微金色的白髮相當關注，因為今次係林嘉華首次用「真面目」示人，以前大家只看過黑頭髮版的他。他說之前因為疫情暫停工作，髮型師建議他試試漂白染成灰色，後來灰色褪色後就變成金色，再生出白頭髮，就係而家大家見的狀態。

過去林嘉華一直以黑髮示人，如今公開65歲的真實狀態，令不少網民驚訝。其實依個年紀開始有白頭髮，甚至全頭白髮都係正常不過的事情，擁抱當下的自己，接受歲月在身上留下痕跡又何嘗不可？