Bill Gates：唔需要擔憂錢係一種祝福，但快樂同金錢無關，唔係億萬富翁都可以快樂
微軟創辦人Bill Gates長居全球富豪排名頭幾位，坐擁過千億美元身家的他，近年積極捐出財富，希望改善全球貧窮問題。他接受訪問時曾談到快樂同金錢的關係，究竟依個億萬富翁係點睇呢？
富可敵國的Bill Gates坦言，不需要為金錢憂慮的確係一種祝福，因為可以減少某些方面的煩惱，例如唔需要擔心醫療成本，或者孩子大學學費的問題。不過他認為，快樂同金錢並唔係絕對掛勾，唔需要擁有10億先可以無憂無慮、唔需要成為億萬富翁都可以快樂。
對於快樂，Bill Gates曾經咁樣講：「有些人話過係當你孩子表現良好的時候，依樣真係好特別，身為父母我完全同意。」他又同時表示：「有時候，透過履行對自己的承諾，例如多做運動，亦係快樂的關鍵。」
現年66歲的Bill Gates，認為自己比30歲時快樂得多，他說：「我30歲的時候，唔認為60歲的人非常聰明、擁有好多樂趣。不過，而家我的想法截然不同，響20年後，我會話畀你知80歲有幾聰明快樂。」
30歲時的Bill Gates生命中最重要的目標係「每個人的屋企都有一部電腦」，如今目標早已達成，來到60幾歲，他致力投入另一階段的人生目標，希望透過自己創立的基金會Bill & Melinda Gates Foundation，終結世界各個角落的窮苦與飢餓。