57歲鄭浩南認20年婚姻情變 大馬老婆失蹤人財兩空 嘆：無諗過會發生，但不能怪人，是自己的命
57歲的鄭浩南近年專心響內地發展，最近出席活動時透露，同結婚20年的大馬太太婚變，舊年12月返回馬來西亞屋企時，發現老婆同一對仔女早已人去樓空。
鄭浩南響2002年再婚，太太係比他細13年的馬來西亞圈外人，婚後隨太太定居當地，二人分別在2004年同2012年誕下仔女，一家四口睇落相當幸福。不過最近鄭浩南最近出席活動被問及太太時，卻透露同太太婚變，舊年12月返到馬來西亞屋企時，發現已經人去樓空，而太太亦只留下一句說話給他。
他指婚變前毫無先兆，自己之前從未試過離開屋企超過一星期，不過近年因為到內地工作，加上疫情關係，先會離家16個月，直到舊年12月終於買到機票回馬來西亞，點知打電話同太太講時竟被對方cut線，當返到屋企時，太太同一對仔女早已離開，太太只留下一句「有乜就同律師講」。當被問到婚姻係咪有第三者時，鄭浩南就話：「大家都諗到」，但就強調自己唔係有第三者那方。
9月18日本來係兩夫妻結婚20周年紀念，但而家鄭浩南只剩孤身一人，他表示：「我很愛家人，響大馬所有屋甚至連車都無我個名，在香港都無物業，我而家只剩一間祖屋。我無諗過這事情會發生在我身上，但不能怪人，是自己的命。」