爸爸90歲過身 48歲陳煒憶亡父落淚：好少時間陪佢，係過唔到自己嗰關
48歲的陳煒日前宣佈同醫生男友9月26號響半島酒店舉行婚禮，仲大曬唯美婚紗照，羨煞旁人。其實今陳煒本身響今年4月就同男友拉埋天窗，可惜她的爸爸不幸過身，所以婚事延期。她最近響節目《星光路上》上提到亡父，都忍唔住哽咽落淚。
陳爸爸過身時享壽90歲，陳煒坦言爸爸年事已高，要接受他離世的事實唔算太難，反而最難係過唔到自己的心理關口，因為一直忙碌工作，自覺得好少時間陪伴在爸爸身邊，所以「過唔到自己嗰一關」。
她於今年4月在社交平台撰文告別爸爸，全文如下：
再見了我的爸爸
萬般不捨沉痛的告知大家，昨天家父因病突然離世，享年90歲。
在我眼中爸爸是一本百科全書，天南地北無所不通，不單教導我做人處事，也是我廚藝的啟蒙老師；爸爸是我的一座大山，是我最強壯的依靠，往後沒有你的日子我會繼續緊記你的教悔，珍惜當下！
永遠愛你的女兒
2022年4月6日
陳煒1996年參選「亞洲小姐競選」奪冠入行，原來自她18歲開始，陳爸爸每年都會幫她拿取「香港小姐」報名表格，不過當時她由為怕醜而無多理會。她說爸爸雖然無講出口，但也感受到爸爸以她為榮，「我知道佢成日拎我啲相畀佢啲朋友睇，會好開心聽到人哋讚我。」
提到自己響2018年獲得「最受歡迎電視女角色」，邀請了爸爸參加慶功宴，陳煒忍唔住落淚，並說：「當時爹哋係好開心可以分享到我嘅喜悅。」
節目尾聲，陳煒講出對亡父的心底話：「你個女其實一直都好愛你，雖然我少時間陪你，但係我心裡面經常諗起你、掛住你。」