58歲鄭浩南婚變後首次過生日 戴婚戒哽咽：無咩值得慶祝，因為乜野都無曬
早前自爆婚變的鄭浩南，10月6號啱啱度過58歲生日，他於生日當天響社交平台上載影片分享感受，影片所見他仍然戴著婚戒，甚至一度哽咽。
影片一開始，鄭浩南指自己連續5日獲各界好友請食飯慶祝生日，並祝自己生日快樂。他說話時舉起左手，可以清楚見到無名指上仍戴著戒指。生日本來係開心事，但鄭浩南似乎受婚變一事困擾，「我覺得真係無咩值得慶祝，因為係舊年我已經係知道自己乜野都無曬，包括我個女同我個仔。」不過他安慰自己：「但係唔緊要，我更加會珍惜，因為我身邊有班好好好好嘅朋友。」
講到依度，鄭浩南稍稍停下深呼吸，然後哽咽地講：「同埋我有爸爸媽媽，佢哋非常健康，哥哥、細佬，同埋佢哋嘅屋企人非常健康，佢哋全部喺加拿大溫哥華，所以我唔會放棄。我祝我自己生日快樂，同埋祝大家身體健康，生活愉快。」講完就繼續同朋友歡慶生日。