「日本國民婆婆」樹木希林低物慾生活 深信愈簡單愈好 徹底減少物品、唔浪費
樹木希林，日本演藝界的傳奇人物，人稱「日本國民婆婆」，以隨心快活的個性為人喜愛，生命晚年即使罹患癌症，仍然活得坦然自在。樹木希林於2018年去世，享年75歲，除了為後世留下不少經典演藝作品外，她的思想和名言亦發人深省。今天我們就來睇睇樹木希林如何看待「物慾」這回事。
樹木希林響2015年接受訪問時，提及自己如何過低物慾生活，縱然會有唔方便的時候，但她豁達地說：「接受唔方便，將自己放入那個框架之中，變老就係咁樣一回事。」對於日常生活，她深信愈簡單愈好，所以徹底執行減少物品、唔浪費等原則，以下係她的4個做法：
1. 減少日用品
樹木希林全屋就只有浴室放了一塊番梘，連廚房洗手台都無其餘的番梘。出遠門時，她會帶埋依塊全屋唯一的番梘，唔會用酒店的沖涼用品，亦唔會將酒店用品拎返屋企。
2. 衣物著得就著
她指自己的襪子係3年前買的，雖然襪頭已經有點鬆，但仍然繼續著。她穿著的內衣亦已經唔係好貼身，不過她認為仍能夠著就好，帶點鬆身最舒適。
3. 盡量減少身外物
上了年紀以後，樹木希林自覺有愈來愈多副眼鏡，為避免擁有相同物件的情況，她盡可能斷捨離，減少身外物。
4. 為物品創造各種用途
即使物品用舊了，樹木希林都唔會馬上丟掉，反而絞盡腦汁物盡其用。例如將襪子剪開一分為二，將襪頭套在平板地拖上抹地、襪管就用來套在手腕上保暖。她指自己經常思考有哪些物品可以重複使用或創出新用途，當諗到的時候就覺得好幸福。
樹木希林的生活極度簡樸，將物品不停重用，真係用到無法再用時，她就會對它們說聲「謝謝」，然後再丟掉。她坦這種生活當然會唔方便，但她認為變老就係咁樣一回事：接受唔方便，並將自己放入那個框架之中。