專為40至74歲而設「糖尿病風險評估問卷」 回答12條問題即CHECK有無前期糖尿病
糖尿病近年有年輕化趨勢，以下依份「加拿大糖尿病風險評估問卷」，只要花幾分鐘回答12條問題，就有助評估自己係咪屬於前期糖尿病或二型糖尿病嘅患病高危人士。
咩係前期糖尿病？
前期糖尿病係指病人嘅血糖高於正常水平、但未達到可以被診斷為糖尿病嘅標準。患者可能響無任何明顯症狀嘅情況下，患上前期糖尿病，而罹患糖尿病前期人士會有發展成二型糖尿病嘅風險。
專為40至74歲人士而設「糖尿病風險評估問卷」
了解自身風險情况，有助作出健康嘅選擇，減低風險甚至避免患上糖尿病。以下依份專為40至74歲人士而設嘅「加拿大糖尿病風險評估問卷」，只需回答12條問題，然後將分數加起來，就可以初步評估患上前期糖尿病或二型糖尿病嘅風險。不過要留意，這些風險分數絕不能取代實際嘅臨床診斷，如有任何疑問，應向醫療人員諮詢。
加拿大糖尿病風險評估問卷
如果評估出來嘅結果係中等或高風險的話，建議諮詢醫生意見。糖尿病係一種嚴重嘅慢性病，如果唔加以控制，可能導致心臟病、腎病和其他狀況。高危險族群應定時測量血糖，控制好飲食、運動及體重，有助預防或延遲糖尿病發生。