TreasureDo Whatsapp Group

控制血糖穩定 3招快速分辨低GI食物

樂齡想健康就要識得食,如果有糖尿病的話就更加要避開高GI食物。GI值即係升糖指數,GI值愈高的食物,代表食完之後容易令血糖升高,想控制血糖穩定,最好揀低GI食物。低GI食物通常有以下3個特徵,只要記住就可以簡單快速分辨到食物係高GI定低GI啦!

低GI食物3大特徵:

1.高纖維

含豐富膳食纖維的食物通常都係低GI,例如番薯、燕麥、糙米、全麥麵包、番茄、蘋果、奇異果等等。

2.熟透程度低

食物烹煮得愈耐、水果成熟的程度愈高,都會令GI值上升。例如白米煮一分鐘,GI值係46,但煮6分鐘後,GI值會上升至87,所以白飯比白粥的GI值為低。另外,水果愈越熟,GI值都會愈高,以香蕉為例,青黃色半熟狀態時屬於低GI,到完全熟透蕉皮轉啡黑色則會變成高GI。

3.加工程度少

加工程度愈少,愈能夠保持原型的食物,通常GI值愈低。而經過多重加工程序或精製打磨過的食物,如是蛋糕、麵包、白米等,都屬於高GI食物。

 

相關閱讀:改善身體慢性發炎 避開5大發炎食物