中年肌肉流失病痛搵上門！50歲增肌飲食 預防肌少症 9款含豐富蛋白質食物 (附三餐餐單)
50歲之後，身體逐漸老化、新陳代謝減慢，肌肉流失速度加快，令到體脂比率上升，好多疾疾病乘虛而入，肌少症就係其中一種。人到中年想keep住健康，就要適度增加肌肉量，跟住以下 50歲增肌飲食 建議，補充有效增加肌肉的蛋白質。
要預防肌少症，充足的運動量同埋適當補充營養十分重要。響咁多種營養當中，蛋白質係最有效增肌，唔單止係建立肌肉的原材料，吸收足夠蛋白質並做運動，可誘發肌肉增長。
50歲以後，蛋白質每日攝取量係每公斤體重乘以1.2-1.5克，先足夠維持肌肉量。進食蛋白質類食物時，最好分開幾餐，並選擇優質的蛋白質來源。
9款含豐富蛋白質食物
以每日三餐計算，一個成年人每餐應攝取至少20克蛋白質。20克蛋白質即係幾多呢？以下9款含豐富蛋白質的食物，每份約含7克蛋白質，每餐只要揀3份來食，就可以滿足一餐的蛋白質所需，十分容易簡單。
1. 1隻麻雀牌大小的去皮肉類（豬肉/牛肉/雞肉）
2. 3隻手指大小的魚肉
3. 1隻雞蛋
4. 1/3磚硬豆腐
5. 1磚水豆腐
6. 4湯匙煮熟的豆類（鷹嘴豆、枝豆等等）
7. 1杯牛奶/豆奶
8. 1杯低糖乳酪
9. 2片低脂芝士
滿足蛋白質所需的三餐餐單
早餐：1隻白烚蛋 + 2片低脂芝士 + 1杯牛奶/豆奶 或 1杯低糖乳酪
午餐：蒸魚 (2份) + 炒四季豆
晚餐：蒸肉餅 (2份) + 煎豆腐