日行一萬步先健康？美國研究發現 60歲以上每日6000至8000步最理想 可降低早逝機率
政府宣傳話「行多啲，健康啲」，但到底對中年人士來說，行幾多先夠呢？行路又係咪真係有助提升健康，令我們活得更快樂更長壽？
一直以來，好多人都相信日行一萬步有益健康，不過美國麻省大學阿默斯特分校 (University of Massachusetts Amherst) 的流行病學家Amanda Paluch教授以及其團隊就有唔同見解，Paluch話雖然行路步數增加，係會令健康風險降低，但行路步數同健康的關係去到某一個程度就會趨於平穩，即使行更多的路，都唔會降低提早踏入墳墓的可能性。
Paluch及其團隊根據 2000 位以上、遍布美國的中年人的資料發表了研究，他們發現每天至少走 7000 步的話，可以減少早逝機率達50-70%。他們之後將研究延伸，統合分析包含了從亞洲、澳洲、歐洲同埋北美洲的 47,471 位成人所收集來的健康及步數資訊。他們發現，每日行最多路的25%人，比起行最少路的25%人，死亡機率降低了40-53%。
對於60歲以上的人士，Paluch建議每日的步數應在 6000 至 8000 步之間，可降低的風險達到最高。如果行更多步可能會有其他好處，但就唔會幫助降低死亡機率。
研究團隊亦發現，步數比起步速更為重要，Paluch說：「有好多證據認為，即使只係郁少少都會有益處的，尤其係對那些平時非常少活動身體的人來說。」
當然進行其他運動亦有益健康，但如果平時比較少做運動甚至無做運動的話，建議每日至少行6000 至 8000 步，依個算係一個比較簡單易做，又可以變健康的方法。