【母親節】媽媽過得快樂,是給仔女最好的禮物!人生下半場,試試從母親角色中退休,學習為自己而活

媽媽一生中最大的心願,就係仔女過得幸福快樂!仔女細個的時候,全心全意照顧,將最好的都留給他們。但而家仔大女大,唔再需要無微不至的呵護,媽媽都係時候改變心態,學習對自己好一點。保持強健體魄、培養個人興趣,獨自也能過得快樂,就係給仔女最好的禮物。

給仔女最好的禮物

唔少女性退休後,雖然從工作崗位退下來,但媽媽的角色從未停過,反而投入更多時間照顧屋企人,甚至全職幫仔女湊孫。有些人覺得能為屋企人付出,就算辛苦都值得,係一種福氣;但有些人就認為退休後難得清閒,應該把握時間好好享受人生。

無論你係屬於邊一種,最緊要係自己開心自在。但如果覺得現時狀況唔太理想的話,不妨勇敢改變,勞碌大半世,踏入人生下半場,試試隨心所欲地過。有時過份付出,辛苦自己之餘,屋企人又未必識得欣賞,更可能認為係理所當然。

傳統觀念認為母親就係要為家庭奉獻自己,但時代變了,在家庭以外,仲有好多事物等著大家發掘。人生的上半場已經無怨無悔地奉獻了給家庭,走到人生下半場,係時候將更多時間留給自己,走出去實現自我,做自己覺得開心的事。即使你樂意為家庭、仔女付出,都必須留意自己的情緒,如果這些付出能令你太累,亦得唔到快樂,就應該勇敢拒絕。

珍惜同屋企人相處的同時,試試花時間同自己相處,學習愛錫自己。媽媽健康快樂,活出自己的人生色彩,亦係給仔女最好的禮物,可以令他們放心。

祝願天下媽媽母親節快樂,過自己想要的生活!