日本網民問中年爸爸 點先可以舒服平靜地生活？爸爸4句回應充滿智慧
日本Twitter用戶@senseiwakame經常響網上分享日常生活見聞，同埋跟家人之間的對話。最近他分享到同中年爸爸的對話，他問爸爸點先可以過平靜舒服的生活，爸爸的回答令他有所啟發。
對於senseiwakame依個問題，他的爸爸只係給出四句回應，但短短的幾句回答，已經充滿了人生智慧，令senseiwakame思考人生中最重要的課題，或者就係學習取捨。
senseiwakame在Twitter的貼文寫到：
有次我問爸爸：「點樣先可以舒服平靜地生活？」
爸爸回答：
「唔好講啲唔需要講嘅說話，
唔好參加唔想去嘅聚會，
唔好接觸你唔想同佢相處嘅人，
唔好為未需要煩惱嘅事情煩惱。」
或者人生最重要的就係學識取捨
踏入中年，開始深刻地感受到生命的盡頭或許隨時來臨，生命時間有限，唔似青春時可不停揮霍。在有限的人生裡，開始明白「選擇」同「取捨」的重要性，所有選擇都會變得更加謹慎，因為時間愈來愈少，任何決定都代表捨棄了其他東西。就好似senseiwakame的爸爸，捨棄了熱鬧的社交圈子，換取平靜舒服的生活。
認清自己最想要的事情，就能更輕易地做出對的選擇，活出自己想要的模樣。