煤氣公司為有需要長者免費安裝控制器 可同時連接8部手機 方便照顧者遙距熄火
香港人口老化問題愈來愈嚴重，港煤氣公司同多間社福機構合作，推出「智醒生活暖萬家」捐贈計劃，為有需要家庭免費安裝智能控制器同埋智能煤氣表，方便長者及家人遙距監察爐具情況，即使出咗街都可以遙距熄火。
為提升長者家居安全，同時減輕照顧者壓力，煤氣公司聯同多間社福機構，包括：香港社會服務聯會、香港房屋協會、香港聖公會福利協會，以及循道衛理觀塘社會服務處等，推出「智醒生活暖萬家」捐贈計劃，向全港一萬個有需要家庭捐贈智能控制器及智能煤氣表，並免費上門安裝，適合輕度認知障礙長者及其照顧者使用。
1. 智能控制器
可同時連接8部手機，方便照顧者一齊監察煮食爐嘅使用情況。如果長者出門前唔記得熄火，手機APP會發送提醒，即使家人唔同住，亦可透過手機遙距關閉煮食爐，避免意外發生。
2. 智能煤氣表
具備自動報表功能，長者無需再自行抄表。當智能煤氣表探測到家居有唔正常用量或洩漏，會自動切斷供氣，確保家居安全。
計劃首階段已於2022年10月展開，截至12月底，已經有過百宗由社福機構轉介嘅合資格申請，煤氣公司已陸續安裝智能控制器同智能煤氣表。煤氣公司表示，希望幫助這些家庭打造「智慧廚房」，提升安全、方便用戶，以科技實踐居家安老。