疫情下照顧者難題： 二人限聚令豁免照顧者嗎？探望高齡父母算唔算多家庭聚會？
因應疫情爆發，政府防疫措施亦變得嚴格，限聚令收緊至二人，禁止多家庭聚會至4月20日。唔少照顧者都擔心去父母家探望會唔會違反規定？到底 二人限聚令豁免 照顧者嗎？
上門目的係提供照顧 可獲 二人限聚令豁免
根據第599G章《預防及控制疾病（禁止聚集）規例》，當中有解釋何謂「照顧者住户」，即係「其參與聚會的唯一目的，是向因年齡、疾病、殘疾、精神健康狀況、懷孕或其他健康狀況等而有特定需要的、通常居於另一住户的其他參與者，提供照顧及支援」。一般情況下，正在執行其職務的家庭傭工、鐘點傭工、社工、專業護理員、護士以及照顧需要照顧者的家人、朋友同義工等等都符合照顧者定義。而規例並無例明照顧需求的高低，亦無要求持有病歷紀錄，先可以上門照顧高齡長者。
最新的防疫規例其中一條係「禁止涉及兩戶以上的人士在私人地方進行多戶聚集」，子女上門探望父母算唔算多戶聚集呢？法例係以「居住單位」為之「一戶」，無論有幾多親人或朋友住埋一齊，只要住響同一單位就算一戶。但如果子女已經搬走，唔同父母一齊住，即使本身係一家人，都唔算係「一戶」，如果幾個已搬走的子女同時去父母屋企，就有可能違反規定，除非子女們上門探望的唯一目的係為高齡長者提供照顧，咁就可以獲得豁免。
條例未有清晰例明何謂「提供照顧」，不過除了生理上的照顧外，有律師認為上門陪長者傾偈、照顧長者情緒需要亦算合理辯解，相信可獲豁免。
第599F章《預防及控制疾病（規定及指示）（業務及處所）規例》：
https://www.coronavirus.gov.hk/chi/social_distancing-faq.html