送老人家去老人院 一定好可憐？日本創新安老院 給長者安排工作貢獻所長 長者小孩共聚營造家的感覺
響香港，一提到 送老人家去老人院 或者其他長照機構，或多或少都給人負面感覺，老人家甚至可能覺得被拋棄而抗拒入住。今次為大家介紹一家日本創新的安老院，高齡長者響安老院獲得照顧之餘，同時都可以有所貢獻。
依間創新的安老院叫「石井家」，外觀睇落同一般住宅無分別，外面有個日式庭園，屋入面仲舖了塌塌米，同一般日本屋企無異。與其話係安老院，不如話係一間多元化的照顧機構，入面除了需要照護的高齡長者外，仲有其他唔同族群，例如：日間暫託小朋友、身障人士、唐氏寶寶等等。
不同於傳統照護機構的服務方式，響石井家，老人家唔會只係一個被照顧的角色，而係可以按自己能力同意願，有所貢獻同彼此照應。創辦人石井英壽發現，男性長輩多數有強烈的工作意願，唔鍾意別人當他係被照顧的對象，於是石井先生不停發掘「工作機會」，等男性長輩可以有所貢獻，包括：去附近小學幫手打掃、簡單的維修工作等。石井先生說，有位已退休的伯伯以前係做工頭，每日都會著住工作服去石井家的日間護理中心「返工」。
石井家入面的日間暫託小朋友，為依所安老院注入無限活力，石井先生指小朋友係最佳的照護者，往往響關鍵時刻靠小朋友先勸得郁長輩，有老人家就因為小朋友的邀請而變得無咁抗拒沖涼。小朋友令長者快樂起來，同埋開始願意做一些本身抗拒的事情。
當有高齡長者響安老院過世時，職員唔會刻意隔開小朋友，而係讓他們摸摸逝者塊面同身體作告別，同時藉此做生命教育，等小朋友明白生老病死係每個人的必經階段。
石井家就好似一個屋企咁，讓入住的長者感受到大家庭的親密感，有人接納同陪伴，從而願意繼續住落去並響依度終老。石井先生希望響石井家可以重新搵返過去的美好，就好似早期社會裡，鄰居間無分你我相互幫助。