私營安老院收費差異大 暗藏各項雜費服務費 為長輩揀老人院要必須留意 9大魔鬼細節
安老院有分由政府資助定係私營開設，一般來說前者會較後者便宜，不過 安老院收費 除了基本月費外，仲有日常起居服務費用同各式各樣的雜費，大家響幫長輩揀安老院時必須多加留意，不妨貨比三家，細心格價。
安老院收費模式
1. 基本月費
院舍的基本月費包括住宿同膳食，而基本月費會根據長者需要照顧的程度、房型及設備、長者有無領取綜援等因素而有所不同。
一般來說，政府資助的安老院收費大約係每月$1600至$2000，而私營機構價格差異大，一般由$4000至$20000不等，視乎地區同服務而定。
必須留意的魔鬼細節：
- 所付月費係入住咩房型，如：單人房、雙人房、大房？
- 可使用哪些設備？
- 膳食安排係點？
2. 日常起居服務費用
除了基本月費外，長者響院舍裡面使用的日常起居服務，例如由專人協助沖涼、餵食、物理治療、陪診等等，都係需要付費的。以陪診費為例，有院舍會按每小時收費，有些劃一收費不設時限，有些則會響超過特定時數後按小時收取額外收費。而如果需要跨區陪診的話，收費亦可能有唔同。
必須留意的魔鬼細節：
- 每日沖涼餵食等服務需要額外收費嗎？
- 陪診費如何計算？
- 康樂活動如生日會、外出活動點收費？
3. 各式雜費
各個院舍收取的雜費都有唔同，例如冷氣費、電費、尿片費、其他日常用品費用等等，而購買起居用品如毛巾、被單都可能會歸入「雜費」當中。
唔同私營院舍的收費計算方法會有分別，以尿片為例，可能會按月／箱／包／片來計算。又以電費為例，長輩日常使用的電器，例如電視機、冷氣機、氣墊床、氧氣機等等，都會被收取電費，加加埋埋費用可能好龐大。
必須留意的魔鬼細節：
- 日用品費用的收費計算方法？按月計算／按使用數量計算？
- 電費如何計算？
- 院舍會否每月提供雜費明細表？