69歲《斷捨離》作者山下英子：葬禮只是可有可無的儀式，最重要在世時盡力不留遺憾
幾乎每個人離世之後，都會辦一場告別儀式，但日本著名作家、以《斷捨離》一書為人熟悉嘅山下英子，對於人生告別式卻有一番獨特見解，佢認為葬禮只不過係一個可有可無嘅儀式。
今年69歲嘅山下英子指出大部份人都選擇以同樣方式來迎接死亡，佢對於咁樣嘅現象感到百思不得其解。 「人離開人世之後嘅葬禮到底有咩意義呢？假如係為咗自己辦葬禮的話，或者依場葬禮只不過是個可有可無嘅儀式，因為自己嘅肉身已經離開世上。」
佢認為最重要係在世時盡力不留遺憾，離世後其實唔一定需要葬禮。如果在世嘅時候，已經見咗想見嘅人，講咗自己想講嘅說話，對所有事情都釋懷唔再有遺憾嘅話，「對我個人來說，有時候甚至覺得無必要辦葬禮。」
人離世之後辦喪禮似乎係理所當然嘅事，但佢反問自己：咁樣真係自己期望嘅結果嗎？點解會有依種期望？
年紀愈大，離死亡愈近，比起喪禮安排，反而應該好好思考餘下嘅人生想點過自己。山下英子曾在書中寫道：「響墓誌銘上，你會想刻上邊一段文字呢？諗諗依條問題，可以幫助你釐清自己日後想過點樣嘅生活，又希望別人點樣看待自己。」 你又希望用甚麼文字來代表自己呢？