驚唔驚死，都要為自己最後一程做好準備，平安三寶你要知

後生時未明白，生死有命嘅道理。但年紀漸大，又遇上世紀疫情，漸漸體會生死無常。其實死亡從來都預計唔到，所以無論幾多歲，總要做好準備，依照自己意願，選擇有尊嚴地離開。人皆害怕死亡，因為大家從來都未死過，亦不能預習，咁點準備？

平安三寶

「生老病死」係每個人必經階段。我們會做好一切準備，迎接新生命來臨；多做運動，多食保健產品，預防疾病降臨；為退休打算，安排一份稱心嘅醫療保險計劃。但對於死亡，有多少人會為自己做好準備呢？準備絕對唔係臨終那一刻才做，應該趁身心情況健康同意識清楚時就開始，盡早處理好「平安三寶」。

平安三寶

第一寶：遺囑，又稱「平安紙」，預先按自己意願安排財物分配，並指定遺囑執行人選。

第二寶：持久授權書，即當自己在各樣病症下而變得神志不清時，其受權人可繼續運用當事人的財產照顧自己和家人。

第三寶：預設醫療指示，即預先寫好指示，清楚表達自己一旦無能力作決定時，所希望接受嘅醫療護理形式，例如在面臨生命即將結束時不施行心肺復甦、插喉餵食等，讓病者自然死去。

有關走最後一程嘅準備。由當事人為自己預先作決定，無謂勉強維持生命而經歷種種因治療而帶來嘅痛苦。另外，生死攸關時，可避免家人至親在自己人生最後一程時，引致不必嘅爭拗及要為自己做出沉重決定而感到不安。