生命無常,50歲後規劃臨終筆記! 提早安排身後事 做齊21樣準備事項 不為家人留煩惱

50、60歲仲後生,真係有必要預備定後事?人生無常,無人估到自己幾時離開,50歲後準備好臨終筆記, 提早安排身後事 ,唔單止可以令人生最後一程更圓滿,同時都係減輕家人負擔。

提早安排身後事

以往上一輩忌諱談討死亡,好多時後事都係交由後人處理,未必事事能如逝者意願。而家社會比較開放,唔少人都會預早規劃好身後事,積極自主地決定告別形式,令人生最後一程更合自己心意。有意提早準備後事的話,可從以下4方面入手,用紙筆或電腦記下詳細內容,並預先告訴家人自己的後事安排。另一方面,照顧者都可以跟住以下21點,搵機會同屋企老人家傾傾。

提早安排身後事 21點跟住做

一、個人基本資料、各類證件文件

1. 個人證件 (如身份證、護照、車牌等,記低正本的擺放位置,並附上影印本)

2. 親戚朋友的聯絡方式 (以便家人通知親友自己的離世消息)

3. 手機、電郵、社交平台帳戶的登入資料

4. 手機、寬頻的合約資料 (方便家人進行解約)

5. 保單詳情,註明供款情況同受益人資料

6. 其他定期付費購買的服務 (例如訂閱報紙、網路影片串流服務等)

二、葬禮安排方式

7. 希望葬禮用哪種宗教儀式,簡單定係隆重?

8. 希望邀請哪些親友參加?(需附上聯絡方式)

9. 用邊張遺照?正本或電子檔放在哪裡?(需確保畫質能夠放大使用)

10. 希望陪同入棺的紀念物放響邊度?

11. 生前有無買定龕位?如果無的話,希望用邊種殮葬形式?

三、資產清單同遺囑

12. 擁有哪些銀行戶口、股票、基金等?

13. 擁有哪些物業,屋契放響邊?

14. 有哪些信用卡?(如果響檢視過程中發現有多餘的信用卡,可先cut卡)

15. 有無同人有借錢往來?如有的話,相關文件放響邊?

16. 有無預立遺囑?如有的話,放響邊度?或委託了誰保管?

四、健康情況及醫療意願

17. 有無需要長期食藥控制的慢性病?每日服用藥物清單

18. 平日睇開邊個醫生、響邊間醫院覆診?

19. 在生死危急情況下,希望接受維持生命治療嗎?

20. 如果需要長期照護,希望安老院舍定係傾向在長照機構或是採取家居照護

21. 係咪願意捐贈器官?有無登記成為器官捐贈者?

相關閱讀:

生命中的最後一個決定 — 預設醫療指示

資產唔多都要立遺囑?預先分配遺產好處多!4大 立平安紙注意事項 +手續程序