父母喪偶後 子女陪伴在世父母走過哀傷 4 大重點 避免無意義的安慰說話 引導父母抒發情緒 無需避談離世者

其中一人先離開,留低在世那一位久久沒法走出陰霾,表面睇落平靜,但總擔心情緒有日會大爆發。父母喪偶 後,身為子女點樣陪伴走過哀傷,讓父母重新振作呢?

父母喪偶

父母喪偶 子女陪伴時4大重點

1. 留意在世父母有無唔尋常反應

如果本身唔同父母同住的話,建議多返屋企陪伴在世父母,關心一下爸爸或媽媽的日常生活,確認他/ 她有定時食飯食藥;留意其身心健康的變化,有無變肥或變瘦?似唔似憂鬱?;生活習慣有無極大轉變?例如一向鍾意乾淨整齊,但配偶去世後,完全唔執屋倒垃圾。

2. 引導父母抒發情緒

陪伴在世父母時,唔需要刻意避談離世者,讓在世的一方追憶逝者有助緩解憂傷。子女可以試試引導父母聊聊同另一半的認識經過、難忘回憶、未有機會完成的事,同埋想跟對方說的話,將這些講出來對心理比較健康。

如果發現父母同自己講這些會唔自在,不妨請其他親友代為陪伴。好多時在世者會不停重覆同一段說話,大家要保持耐性靜靜傾聽,反覆訴說同逝者有關的事情,係哀悼的重要一環,有助安撫負面情緒。

3. 避免無意義安慰說話

安慰人唔係一件易事,當唔知講咩好時,可以不說話靜靜陪伴,千祈唔好隨口說出以下的無意義的安慰說話。

唔好再傷心了/你要睇開些/試下樂觀面對/依個係人生必經階段

4. 抱同理心的聆聽及陪伴

摯愛離世有悲傷情緒好正常,比起理性分析,父母需要的係聆聽同陪伴,多抱同理心理解父母的感受,如果真係想講一些安慰說話,可以試下講:

我都覺得好傷心/我知道你好痛苦,如果有咩我可以做的,你話我知/我們一齊面對,大家都要保重

哀傷本身就係一個治癒的過程,唔好強迫在世父母趕快從哀傷中復原,咁樣只會令他/她感到壓力。身為子女,默默地傾聽,支援父母的需要,等他/她明白依條路有你同行。

相關閱讀:陪父母走人生最後階段: 陪伴臨終父母 坦誠講真心話 讓臨終者感受愛與尊重 同時減少在世者遺憾