假如不幸突然離世，你想留低Facebook帳戶嗎？唔想留的話要點樣刪除？
用Facebook紀錄咗好多生活大小事，假如有日不幸突然離世，你希望保留Facebook帳戶畀親友懷緬下，定係直接刪除帳戶呢？
如果你唔想響你過世後，其他人仍然睇到你Facebook內容的話，可以先將帳戶設定為於擁有人過世後永久刪除。當有其他用戶告知Facebook你過世的消息時，Facebook就會立即將你所有訊息、相片、帖子、回應、心情同資訊永久移除。
4步驟設定過世後刪除帳戶
1. 點擊Facebook右上方的設定符號。
2. 選擇「設定和私隱」，然後點擊「設定」。
3. 點擊「紀念帳戶設定」。
4. 向下捲動，並順序點擊「要求在你離世後將你的帳戶刪除」及「過世後刪除帳戶」。
詳情：按此
移除已故家人的 Facebook 帳戶
如果你無開啟到「過世後刪除帳戶」的功能，在你離世後，你的親友亦可代你執行依個動作。只要親友可以向Facebook提供文件證明係你的直系親屬或遺囑執行人，並提供帳戶持有人死亡證明的掃描檔案或相片，經審核後，Facebook會按要求移除帳戶。
詳情：按此