咩係「生前契約」？在世時預先準備身後事 離世後由契約公司履行 免卻家人煩惱及經濟負擔
隨住社會思想愈來愈開放，唔少人都更願意談討身後事安排，有些人更會預先訂好「生前契約」，為身後事未雨綢繆。
生前契約簡單來講就係在世時準備好自己的身後事，同有提供生前契約的公司簽訂契約，選擇好想要的殯葬禮儀物品同服務，過世後再有該公司履行契約內容。生前契約可以話係一種預約概念，就好似搞婚禮咁，一早同各服務提供者簽定合約，安排好曬當日所需的場地、服務同物資，再等待婚禮當日來臨；令人可以自主決定身後事，免除對未知同不確定的恐懼。
生前契約4大好處
1. 自主決定
能根據自己喜好預先選擇殯葬公司同服務。
2. 符合喜好
由於所有細節都由自己挑選，可以確保身後事係按照自己的喜好來進行。
3. 保障權益：
生前契約內容同金額經雙方同意外，就唔會任意更改，即使所選擇的服務未來加價了，但由於契約人已經預先支付費用，所以亦唔會受到費用上升所影響。
4. 免卻家人煩惱
自己事先準備好，不用家人到時煩惱點樣籌備，亦不用為突然負擔一大筆喪葬費用而苦惱。
目前香港亦有一些公司提供生前契約服務，大家響選擇服務時，不妨多留意條款細節，例如若公司倒閉的話，會唔會影響客戶所訂立的契約？有些公司會將客戶的款項交由獨立持牌信託公司託管，無論將來公司出現任何情況，都確保客戶所簽的合約同資金受到保護。