環保機構回收5大物品：未開封即棄餐具/ 盤菜兜/ 購物紙袋… 轉送有需要團體再重用
新年過後屋企有無多咗好多盤菜兜、保溫袋、利是封、未用過嘅即棄餐具……？依啲物品全部都係掉咗去又可惜，但留響度又未必用得著，如果你都有相同苦惱，以下介紹嘅機構嘅回收服務或者幫到你！
環保機構「SOU SOU掃塑」鼓勵大家減少浪費，支持重用，由即日起至2023年2月10日，會響指定地點及時間收集以下5樣物品，然後將資源分發比其他人，為未必能夠回收再造嘅物品找尋重用嘅機會。
5大期間限定回收物品
1. 保溫袋
回收條件：乾淨沒破爛，拉鍊或魔術貼可用，有手抽，以供小店重用。
2. 盤菜兜
回收條件：不限尺寸，沒生銹。
如果想透過「SOU SOU掃塑」交還畀盤菜兜所屬食肆，需在紙上寫低食肆名稱並貼於盤中。沒有來歷嘅盤菜兜會轉送至狗場、動物義工或本地農場使用。
3. 利是封
回收條件：完整利是封，經整理篩選後會轉交環保團體派發畀有需要市民。
4. 未開封即棄餐具套裝 (*2023開始長期收集)
回收條件：必須完全未開封以符合衛生條件，將轉交露宿者及無家者中心，以減少即棄餐具生產和營運機構開支。
5. 購物紙袋 (*2023開始長期收集)
回收條件：乾淨完整購物紙袋，將分發予小店或部分超級市場分店，以供市民購物時重用，減少膠袋生產、減少斬樹、減少膠袋徵費。
2月份回收地點及日期如下：
由於SOU SOU掃塑並唔係大機構，比較缺乏人手，所以目前回收地點只限港島區，詳情可留意佢哋嘅Facebook專頁。