巴西髮型師替患癌病人剃頭後，竟然這樣做…背後原因超感人！
之前響Facebook同大家分享過一段感動人心嘅影片，巴西髮型師Danillo幫做緊化療嘅癌症病人Nubia剃光頭髮後，竟然將剪髮器放響自己頭上，慢慢剃去自己嘅頭髮。溫暖嘅舉動唔單止感動Nubia，亦令一眾網民感到人間有情。
33歲嘅Nubia因為患上乳癌，化療後開始甩頭髮，所以請Danillo幫佢剃光頭髮。從影片可見，Danillo幫Nubia剃髮過程中，Nubia眉頭緊皺、不時低頭啜泣，而Danillo就嘗試同佢傾偈。響完成剃髮後，Danillo緊緊攬住Nubia，然後拎起剪髮器為自己剃髮。Nubia雖然即刻阻止，不過Danillo堅持，並一邊攬住佢一邊剃髮，透過依個舉動給予對方力量。
睇完影片後，唔少人都問Danillo同Nubia本身係咪認識？真係有人會為陌生人咁做？Danillo接受訪問時透露佢同Nubia係親戚，當Nubia請佢幫手剃髮時，佢內心其實好震驚，因為身為髮型師，佢好明白頭髮等同女性嘅自尊心，要剃光頭實在係一個好艱難嘅決定。
至於Danillo點解決定剃埋自己頭髮？佢嘅理由好簡單，就係內心好確定要做依件事，感受到Nubia嘅痛苦嘅佢，決定以剃掉頭髮來支持Nubia。
即使佢哋係認識都好，能夠為身邊人做出如此體貼舉動，用行動嚟支持對方，依份大愛善舉實在難能可貴。Danillo嘅頭髮會再長，而佢釋出嘅善念及同理心會繼續流轉，令世界充滿更多美好嘅能量。
最後仲有一個好消息，就係Nubia憑住強大嘅意志力戰勝咗癌症，而家已經完全康復喇！