過期雜誌、傳單、空罐唔捨得掉？囤物症3大特徵！4招改善囤物習慣 人到中年要過得更清爽
唔捨得等丟掉物品、滿屋都係儲了幾十年的雜物，依個好可能係囤物症的表現。人到中年係時候 改善囤物習慣 ，讓生活更加簡單、心靈更加輕鬆。
填補內心空虛 中年人易有囤物問題
返工返了幾十年，退休後突然失去生活重心，好多啱啱退休的中年人士都會將情感寄託響在收集物品上，透過「購物」同「囤物」來填補內心空虛。每個人都仲有唔捨得丟掉的物品，但如果去到每一樣物品都唔捨得掉，又或丟掉了就覺得無安全感，就好有可能係患上囤物症，而囤物症多數有以下特徵：
– 無法自制地收藏唔值錢或無用的物品，而且一直唔捨得掉例如：傳單、過期報紙雜誌、包裝盒、商店小贈品等等。
– 收集而來的物品已經侵佔生活空間，影響生活舒適度，甚至構成唔衛生或具危險性的環境。
– 鍾意購物，買東西的時候唔會諗自己夠唔夠錢，或者屋企仲有無地方擺放物品。
改善囤物習慣 由改變生活習慣開始
斷捨離已經流行了10年有多，減低對物品的執著，丟掉雜物，降低物慾，可以令人生活過得更簡單自然，由外到內都感覺清爽無負擔。其實即使無囤物問題，都好適合用斷捨離的態度來整理自己的人生，例如切斷有毒的人際關係、放下執著等等。過斷捨離的人生，相信唔單止外在環境會變乾淨，連心情都會煥然一新。
- 立下清晰目標
好多時雜物愈堆愈多，係因為我們覺得物品「總有一天會用到」而唔捨得丟掉。所以必須定下清晰目標，定立斷捨離的數量同時間，例如每日丟一樣物品，即使係一張超市收據、一個膠樽、一對唔再著的舊鞋都可以，最重要係建立捨棄多餘雜物的習慣。而對於唔捨得丟的物品，可以諗諗自己對上一次係幾時用？如果有3年以上都沒用過，代表你其實真係唔需要它。
- 物品只保留足夠數量
膠袋、橡筋、紙箱、外賣附的餐具，好多時覺得將來會用到而唔捨得丟，結果愈儲愈多，但又無乜點用過。如果唔想讓無用之物佔了屋企空間，令屋企愈來愈亂，就要改變習慣，留下足夠用的數量就好。
- 減少物品的體積
善用唔同收納法來減少物品的體積，例如有真空袋收納換季衣物、將紙箱折疊等等，令生活環境更寬敞整潔。
- 為物品找新家
將有用的物品堆積在家同丟掉一樣咁可惜，不如將物品送給親友或者環保團體，幫物品搵新主人，延續它們的意義。
啱啱開始執屋時可能覺得丟掉物品好困難，但當見到屋企變得整齊乾淨，就會好開心，精神狀態都變得清爽，原本煩亂的心情跟住家中垃圾一掃而空。踏入50歲，不妨實行斷捨離，用清爽的心迎接人生新階段。
相關閱讀：