廚房斷捨離 7種應該馬上丟掉的物品 整理心得：唔好諗「將來可能有用」，要諗「而家有無需要用」
人愈大愈想要減少身外物，說起斷捨離，好多人第一時間會諗到整理居家雜物、衫褲鞋物等，但有無諗過每日使用的廚房其實都要進行大掃除？趁住而家比較多時間響屋企，來一場 廚房斷捨離 吧！
好多廚房物品我們都唔捨得丟掉，係因為覺得之後有機會用到，丟掉可惜。然而，進行斷捨離時，我們更應該問自己：「而家會唔會用？」如果答案係唔會，就丟掉、回收或送人吧。
廚房斷捨離 7種需立即丟掉的物品
1. 所有過期的食物
翻一翻雪櫃同廚櫃，竟然有好多過期已久的食材、飲品、調味料…… 自問唔會再食，不如下定決心全部丟掉！
2. 唔鍾意的食物、調味料
因為唔鍾意食，只係用了些少就一直擺響廚房，總覺得有天「可能」會食，但事實係，你估計自己應該唔會再食。不如趁它們過期前轉送給有需要的人，避免浪費了食物。
3. 備用的空樽
飲品樽、調味料樽，總之係樽狀就會先儲起，覺得總有一日會用到，但點知愈儲愈多，儲了一堆但鮮有使用，結果只係白白佔用了廚房空間。
4. 骯髒的枱布
枱布污糟了就丟掉換新的，唔好諗住再拎去抹地抺馬桶，枱布本身已經沾滿油污，唔適合再拎去做其他用途了。
5. 一年無用過的廚具
而家的廚具造型精美，而且功能愈來愈多，令人不停想買新的。不過，購買之前最好諗一諗自巴的真正需要，每件廚具的功能應該避免重覆。如果有重覆的話，就只留下一件，其他都送人。而那些超過一年無用過的廚具，留住都只係佔空間，不如送人或丟掉吧。
6. 即棄食物盒
疫情期間多了買外賣，那些可以循環再用的膠塑食物盒，直接丟掉實在浪費，於是全部留起，儲儲下就儲了一大疊。仔細諗諗，你真係會再用這餐食物盒嗎？用來裝甚麼呢？如果諗唔到的話，可能其實你並唔需要它們。
7. 超出所需的膠袋紙袋
因為覺得之後有機會用到，所以每次購物完的膠袋紙袋都一一留起，但真正需要用的次數卻寥寥可數。唔想一再儲膠袋，建議下次購物時可自備環保袋。