TreasureDo Whatsapp Group

【樂齡拍Youtube(1)】決定開始拍片 影片主題點樣定?依5個主題超受歡迎!

諗得拍Youtube,相信你一定有好多諗法想同大家分享,但如果想影片多人睇到,就要諗諗拍片的主題係咪夠吸引。下文5個影片主題都係好多人鍾意睇,睇下會唔會啟發到你拍Youtube!

無諗你有幾多諗法都好,剛開始拍片時,建議統一主題會比較好,因為可以令觀眾了解頻道的定位,可預期在你的個頻道睇到邊類型影片,這樣有助提升觀眾的持續觀看率,令你的影片有更多人睇到。在決定影片題材前,不如問問自己:

自己的興趣係咩?有咩想同其他人分享?

平時睇Youtube,自己最鍾意睇邊類型主題呢?

如果自己係觀眾的話,想睇到咩?

答完依3條問題,相信你心中已經知道要揀定邊個主題來拍攝了!以下提供目前YouTube受歡迎的頻道主題給大家參考!

Youtube, 拍片, 開箱

開箱影片

顧名思義,開箱影片就係YouTuber拍攝自己打開一個箱,並描述內容物的影片。內容物無特定,可以係零食、護膚品、衫褲等等,通常一邊拆包裝一邊介紹,有些Youtuber會開箱時同觀眾閒話家常。

Youtube, 拍片, 生活小技巧

生活小技巧

依類影片輕鬆得來又可以令人學到一些實用技巧,而且通常都係同生活家事、清潔等等相關。

Youtube, 拍片, 運動

運動健身、美妝

屬於教學類型的影片,教大家點樣運動健身、化妝同護膚,十分實用,通常都係好明確咁逐個步驟教大家,等大家可以跟住做。

Youtube, 拍片, 美食

美食與餐廳評論

香港咁多餐廳,如果有人可以試完話我知好唔好食,我先再去食就好了!依類美食Youtuber就係擔起依個角色,周圍發掘新餐廳或者隱世餐廳給大家。

Youtube, 拍片, 烹飪

烹飪教學

教煮餸的影片好受歡迎,好多廚藝了得的高手、專業廚師、尋至係藝人都有拍片教煮餸!

相關閱讀:

【樂齡拍Youtube(2)】剛開始拍片用咩器材好?3個簡單易用免費手機剪片APP

【樂齡拍Youtube(3)】點樣開Youtube頻道?

50+明星拍片做Youtuber 鄭丹瑞、毛舜筠、蔡一傑都有份 大家有無睇過?