何伯事件懶人包｜76歲閃婚後生30年內地妻　大手送贈30萬　子女急取450萬存款

近日全市熱話非何伯與其內地老婆「新何太」莫屬！兩公婆接受 TVB 節目《東張西望》訪問，大談二人相識經過，又直斥何伯女兒單方面轉走 450 萬存款，並與 5 名子女反目！

何伯與新任內地老婆相識過程

何伯背景：76 歲，9 年前喪偶，育有 5 名子女。與細女有銀行聯名戶口。

新何太：43 歲，從內地來港，與前夫育有一 名18 歲兒子。

76 歲的何伯 9 年前喪偶，早前在街市偶遇一名比自己年輕 30 歲的內地女子，認為二人十分投緣，內地女子更煲湯給何伯飲，飲湯飲出情愫，雙方感情迅速加溫，更發生了親密關係。

相識一個月後，何伯便與內地女子註冊結婚，何伯更送贈鑽戒及名貴腕手錶合共接近 30 萬元作為結婚禮物。婚後不久，新何太建議何伯從定期戶口取出 100 萬元投資開餐廳，不過當何伯前往銀行提錢時，發現戶口所有存款不翼而飛，才得知細女已取走聯名戶口內的 450萬 。

子女不滿婚事　細女轉走聯名戶口存款

何伯的 5 名子女對父親的婚事極為不滿，由於二人相識時間甚短，爸爸在短時間內為新何太大灑金錢，所以質疑新婚新何太的動機是想佔有父親的財產。

至今年 2 月，何伯發現與細女聯名戶口內 450 萬元已被女兒匯走，現時戶口只剩下 4000 多元。由於何伯堅持並無同意「單簽」，不滿銀行讓女兒單方面轉走自己的錢，亦認為細女提走自己全部積蓄十分忤逆，於是希望透過《東張西望》公開事件討回公道。

何伯金句

「佢煲湯畀我飲，我就飲，佢啲湯又幾好飲，我就飲出感情」

「嚟咗咁耐就服侍我咁耐，照顧我咁耐，證明我無娶錯依個老婆啦！」

「我鍾意我老婆，佢要咩我都想畀佢。」

新何太金句

「好難受，又心疼我老公夾喺中間，佢啲仔女又咁樣對佢。」

被質疑是情騙案，新何太指自己並非呃人，「我會承擔照顧佢嘅責任，我有一啖飯食，佢就有，我唔會畀佢餓親。生意失敗嘅話，我都會打工養佢，佢唔使憂。」

主持訪問何伯時，何伯提到與細女開聯名戶口，原意是方便仔女將來繼承遺產，鏡頭後的新何太馬上插嘴：「何伯指開聯名戶口是方便將來仔女繼承，新何太即時激動插嘴：「係處理得到，你唔好講承繼，唔係佢承繼，你用詞用好啲，好唔好？」

網民反應一面倒支持細女

事件曝光隨即引來熱烈討論，不過網民幾乎一面倒贊同細女做法，認為她十分精明，幫父親守住畢生積蓄。大部份人覺得新何太的行為十分可疑，並不是真心愛何伯，只是睇中了他的錢。

「嘩！ 細女真係好醒目！全港市民都支持妳㗎！ 老人家老咗多病痛，啲錢留番黎醫病！」

「如果呢個阿伯冇錢，唔知個女人會唔會繼續愛佢呢？」

「仔女做得好 幫老豆保住啲養老錢」

「甘快同你結婚 ！ 甘快問你拎一百萬 ！ 阿伯清醒下啦！ 比人呃啦」

～ 金銀島新設Whatsapp群組，發放最新50+相關資訊，歡迎您一齊分享，傾下計。 馬上 按此入谷 ～

相關閱讀：離婚後，樂齡下半場還想找尋伴侶嗎？