睇住地圖行都錯？Google Maps AR實景導航功能 以後唔再蕩失路！
用Google地圖搵路時，明明已經跟住導航行都會行錯？分唔清方向，搞到行極都去唔到目的地？下次可以試試開啟Google Maps的AR實景導航功能，包保唔會再蕩失路！
去到一個陌生地區時，成日分唔到方向，望住地圖原地轉來轉去都唔知行邊邊先啱，依個時候打開Google Maps AR實景導航就可以輕鬆去到目的地。使用實景導航功能時，Google Maps 會要求透過手機鏡頭左右掃瞄附近建築物同地標，以進行快速定位，然後就會響街道畫面上直接顯示要前往方向、箭嘴、距離。當需要轉彎時，仲會響畫面顯示一個大箭嘴同路名標示，話你知要轉入依個路口，真係想蕩失路都難。
點樣開啟Google Maps AR實景導航功能？
1. 在Google Maps輸入目的地，並揀選「步行」，然後按「路線」
2. 按下「實景」
3. 允許Google存取手機相機以偵測周圍環境
4. 將手機相機對準街道上的建築物和路標
5. Google Maps找到你的位置後，就可以進入「實景」步行導航模式
使用 AR實景導航功能注意事項
1. 需全程舉起手機先用到AR模式，如果畫面向地下的話就無法導航
2. 手機相機要對準建築物同路標，唔好對準樹木或者人
3. 實景功能在夜間有時無法正常運作
4. 為安全起見，建議唔需要睇路線時放低手機，避免長時間邊走邊睇