手機無位唔使del相！ 輕鬆用 Google帳戶備份
因手機儲存容量經常爆滿而煩惱？其實除了刪除相片之外，仲有更好的方法可以釋放手機空間，就係將相片備份去Google帳戶喇！
備份至Google帳戶相簿 釋放手機空間
Google有一個儲存服務叫「備份與同步」，等大家可以將相片同影片自動儲存去自己個 Google 帳戶。只要登入返帳戶，就可以響任何裝置上面睇返或者download返相片影片。將相片影片備份去Google帳戶之後先刪除手機內的檔案，就唔怕無咗張相之餘又可以釋放手機空間。
只要響手機開啟自動備份功能，一影完相之後就會直接儲存到 Google 帳戶入面的「相簿」。之後無論用手機定係平板電腦抑或其他裝置登入帳戶，都可以睇返張相，如果你響手機編輯過張相，相簿都識顯示最新儲存版本。
相簿仲有一個好用的功能，就係可以依相片中的人物 (必須啟用臉孔特徵分組功能)、地點同事物搜尋相片，即使要響茫茫相海裡搵返同朋友影的相片都無難度。
Android/ iPhone啟用「備份與同步」功能
Android
- 在 Android手機或平板電腦上開啟 Google 相簿APP
- 登入Google 帳戶
- 撳右上方的帳戶個人資料相片或姓名縮寫
- 點選「Google 相簿設定」， 下一步「備份與同步」，就可以揀開啟或關閉依個功能
iPhone
- 先下載Google 相簿APP並開啟
- 登入Google 帳戶
- 撳右上方的帳戶個人資料相片或姓名縮
- 點選「Google 相簿設定」，下一步「備份與同步」，就可以揀開啟或關閉依個功能
如果系統顯示訊息，要求你允許應用程式存取你的相片，可以跟住以下步驟做：
- 開啟 iOS 設定應用程式，揀選「隱私權」下一步「照片」，然後開啟Google相簿
每個Google帳戶15GB空間
Google相簿原本免費提供無限空間給用戶用，不過依個項能上年已經取消了，而家所有Google用戶會有15GB空間可以用，無論放相片、影片定係其他檔案都係用依15GB儲存空間，如果大家有好多相片需要備份的話，就要好好計劃點運用。
