全港首架雙層電動巴士暑假投入服務！九巴城巴合共3條巴士路線用電動車 依幾個地點有得搭
城巴購入的全港第首架雙層電動巴士將會響暑假投入服務，而九巴的新一代純電動單層巴士已經行走尖沙咀碼頭同荔枝角。兩間公司仲話未來會繼續增加電動巴士數量，目標係全面使用零排放巴士，向Net Zero進發，為環保出一分力。
九巴純電動單層巴士 往返尖沙咀碼頭同荔枝角
16部新一代純電動單層巴士已經投入服務，行走6號線，往返荔枝角同尖沙咀碼頭，可載客81人，為市民提供零排放、寧靜巴士服務。單層電巴配備九巴最新的巴士規格，包括提供免費5G Wi-Fi 上網服務、通風窗，車座椅設有安全帶，亦配備電子穩定系統等。
單層電動巴士充電時間係1小時40分鐘，充滿電可行駛約200公里。電動巴士採用「電光綠」做車身主色，十分搶眼，下次出街不妨留意下！
城巴全港首架雙層電動巴士 暑假投入服務
城巴購入全港首架雙層電動巴士，會響5月在啟德同灣仔兩條路線試行，分別係往返啟德郵輪碼頭同土瓜灣循環綫的22M，同埋往返銅鑼灣同堅尼地城的5B線。試行時歡迎市民上車參觀，預計暑假正式投入服務。
電動巴士上設有Wi-Fi上網，各座位均設USB充電插頭。巴士最多可接載113名乘客，包括79個座位及34個企位。充電需時3小時，充滿電後可連續行駛超過200公里。