延遲退休繼續返工唔代表勞碌命！年紀愈大愈要工作 獲得比金錢更有用的好處
65歲都仲要做唔退休，真係勞碌命？過來人親身經驗分享，退休後繼續工作唔一定係為咗錢，背後有比金錢更重要的意義同好處！
一位作家在網路撰文分享自己對「年老」的睇法，佢期許自己將來做一個唔惹人討厭的老人，最起碼要愛靚、愛乾淨、愛運動、愛外出、愛學習、愛講笑。佢認為有啲人年紀大咗，開始唔鍾意打扮、懶得出街，甚至無興趣學習新事物，其中一個原因就係無再返工，退休唔再工作係所有問題的根源。
響現今日本，年過65歲人士有3分之1仍然繼續工作，響韓國依個數字更高達 44%，年長者就業文化可以減慢人口老化所帶來的社會衝擊。即使退休亦唔代表要完全離開職場或同社會脫節，不妨做下兼職或義工，保持同社會的連結，就唔會老得咁快。
依位作家話曾經有一位女性讀者同佢分享，因為50幾歲就提早退休，屋企人覺得佢有時間，就將全職照顧父母的責任交畀佢，雖然唔係唔想孝順，但總係感覺奇怪。其實50幾歲仲係好後生，如果唔再工作，長時間留守屋企照顧老人家，好有可能會加速老化。
無論係全職定係兼職，適度工作有助預防老化，令人比較健康有活力，因為：
1. 要返工就必須出門
2. 返工要見人，所以會注意儀容
3. 工作上有機會學習新事物同接觸唔同年齡層的同事，唔會脫節
4. 個人生活有重心，唔需要過份依賴屋企人
老年仲能夠工作唔代勞碌命，而係表示頭腦仲好清晰、身體夠健康、反應靈活，要感恩自己仲有能力工作、仲有僱主肯請。鼓勵大家唔好完全退休，即使做兼職都好，多多少少賺啲零用錢之餘，最重要係預防老化，保持健康同埋活力，學習新技能、結交新朋友。
響依個高齡化的社會，只會愈來愈需要長者，大家一齊加油，繼續投身社會，創造更多可能性！