退休前後面臨生理/ 心理/ 社交轉變 保持心靈健康15大秘訣 令你活得開心又充實
隨住年紀增長，處於退休前後階段嘅我哋需要面對生理、心理同社交上嘅轉變。面對咁多新挑戰，我哋需要學識點樣照顧身心，先可以享受人生、頤養天年。
根據精神健康諮詢委員會建議，退休前後人士應該將「與人分享」、「正面思維」同「享受生活」嘅元素融入日常生活，有助保持心理健康，活得更開心和充實。
與人分享
1. 與人保持聯繫
定期同親友見面，或透過電話或通訊軟件同他們保持聯絡。
2. 與社會保持接觸
多接觸社區，例如前往附近嘅圖書館和社區中心、關心時事。
3. 與人傾訴
唔好埋藏感受，應該同家人、朋友或值得信賴嘅人分享樂與悲，亦應與他人分享自己嘅經驗、智慧同專長。
4. 幫助別人
幫助別人可令人快樂，因此應多參與義工活動同幫助鄰居。例如協助鄰居買少量東西、跟別人說「請」和「謝謝」。
5. 結交朋友
透過唔同途徑或社交活動結識新朋友，例如參與義工服務、宗教活動、社區和長者中心活動。
正面思維
6. 以理性和正面心態重新詮釋事情
以正面思維和價值觀去理解唔同情況，即使面對逆境，亦應保持正面思維。例如將年齡遞增視為累積智慧、知識和經驗嘅過程。
7. 保持幽默感和歡笑
經常保持歡笑，利用幽默感來對抗負面情緒，令自己感到愉快。
8. 懷著感恩的心
經常思索生活中嘅美好事情，對擁有嘅事物心存感恩，不妨每日晚上寫下3件好事。
9. 回憶美好往事
定期回憶生命中嘅美好往事。舉例說，尋找童年相片、舊歌曲或有特別意義嘅紀念品。
10. 相信自己
要對自己充滿信心，唔好低估自己。想一想自己嘅成就、經歷過嘅困境、所做嘅善事同擁有嘅知識經驗，把它們寫下來，並且相信自己嘅能力。
享受生活
11. 培養興趣並參與智力活動
多參與和享受休閒活動，並將之培養成嗜好，例如聽唱戲曲、畫畫、演奏樂器。益智嘅休閒活動更有助保持頭腦靈活，閱讀書報、下棋、編織都係唔錯嘅活動。
12. 適量體能活動
適當嘅體能活動有益身心，不妨根據自身狀況將體能活動融入日常生活，例如步行、遠足、太極。伸展及肌肉鍛煉運動亦可改善健康和體能，可諮詢醫護人員意見，搵出適合自己嘅體能活動。
13. 充實嘅生活
訂立小目標、計劃一天嘅活動，或安排未來數周嘅活動，可為你帶來成就感和動力，例如閱讀書本嘅一章、散步、執拾房間、打電話給朋友、為家庭聚會安排活動。
14. 不斷學習
學習和掌握新技能夠帶來成就感同提升精神健康，例如書法、插花、操作電腦。
15. 留意周遭事物
保持好奇心及多留意身邊事物，例如探索大自然，細味當中美麗，可能會發現有趣嘅新事物。