儲退休金由記帳開始！4款免費 理財記帳APP 準確記錄收入開支 結合遊戲功能令記帳變有趣
管理好開支，堵住財務漏洞，係累積財富的第一步。一個方便使用的 理財記帳APP ，可以幫你有系統地記錄開支。推介4款免費 理財記帳APP 給大家，今日開始認真記帳，努力準備退休金！
記帳雖然簡單，但其實係一件好需要恆心的事情，只要有一兩日唔記得記帳，慢慢就會覺得算數啦、唔記喇，依個時候一個簡單易用的 理財記帳APP 就起到重要作用，消費後只要馬上打開APP記錄資料就得，唔會花太多時間，亦可以準確地記錄花費。
3個理財記帳小貼士
- 方便開啟：將記帳App放響手機桌面第一頁，方便快速打開記帳
- 即時記帳：每次花費後立即記帳，就唔怕會忘記，可以有效而準確地記錄開支
- 如實記錄：無論係小錢定大錢都如實記錄，有助了解自己的消費習慣找出財務漏洞
4款免費 理財記帳APP
1. CWMoney理財筆記 功能強大
功能強大的記帳APP，幾乎所有想得到的記帳功能都齊備。除了基本記帳功能之外，仲有固定開支提醒 (提醒自己每月要供樓/ 交租、交水電媒等雜費)、外幣帳戶管理、預算管理、個人財務報告表等等。備有一鍵生成統計圖，所有開支種類一目了然，仲可以雲端備份，唔怕資料會遺失。
2. 記帳城市 Fortune City 記帳結合遊戲
結合「城市發展」的記帳遊戲，令記帳過程充滿趣味，亦令人有動力持續記帳。記帳城市就似《模擬城市》咁，用家可以埔城市發展成自己心目中的模樣，裡面有好多款建築物、交通工具同市民讓用家選擇。用家每記錄一筆收支，就可以幫城市發展，仲有首席財務大臣錢喵喵，陪住大家養成記帳習慣。
3. 天天記帳 Pennyworth 清晰簡單
介面簡單、分類清晰的記帳APP，只需要幾秒鐘就可以完成開支記錄，容易又快速的操作大大提升記帳的動力。另外，可以建立多個記帳簿，方便夫妻一齊記帳時，將花費分成家用消費同私人消費。假如每個月有固定收入同開支的話，可以直接響設定輸入，之後就唔使每個月手動軟入，十分方便。
https://chtlife.com/6907
4. MOZE 3.0 介面最靚
MOZE 3.0 係號稱最靚的記帳APP，介面簡潔整齊得來充滿時代感，功能方面也相當齊全，不過因為可以個人化的選項多，所以啱啱開始用時需要花點時間熟習。MOZE 3.0支援Apple Watch（WatchOS 4+），大家可以響手錶上快速記帳、查看帳戶總覽、專案預算和近期的收支記錄。
<iOS下載> (暫不支援Android)
