日本4成退休女性後悔無儲錢！擔心退休唔夠錢用？ 專家建議先預估100歲前的現金流
65歲退休前一定要做哪些事情呢？日本有雜誌訪問了600位中年女性，發現7成受訪者都對過去感到後悔，特別係理財方面，有4成人都後悔無儲錢。如果你都擔心 退休唔夠錢用，不妨參考以下專家建議，做好理財規劃。
退休女性後悔 事情頭 5 位 (理財篇)
1. 無儲錢
2. 無規劃點樣運用退休金
3. 無投保年金型保險作為退休金使用
4. 無投資股票
5. 無投保人壽險、醫療險
日本女性後悔無儲錢 晚年生活感不安
超過9成人響退休之後都面臨收入減少的問題，如果響退休前無做好理財規劃，等到 退休唔夠錢用 時，就只能二度就業增加收入，或者節衣縮食減少開支。
唔少65歲以上的日本女性後悔退休前無好好規劃財務安排，認為單靠政府發放的退休金過活實在唔多足夠，加上自己無存款，所以成日都好不安。又有受訪者後悔後生時花錢花得太隨心所欲，鍾意咩就買咩，而無考慮到退休後的生活規劃。
擔心 退休唔夠錢用 ？可先預估退休後現金流
日本理財專家深野康彥建議，唔想退休後面臨財務困境的話，不妨響退休前做一份「100歲前的現金流」表，用一年做單位，預估自己未來每年的收入同支出，咁就可以粗略知道自己幾歲前要儲到幾多錢，同埋每年應該要有幾多入，咁樣亦可以幫自己訂立投資或儲蓄計畫，同埋減省非必要使費。
另外，要避免響70歲後仲有按揭貸款、汽車貸款等負債，響仲有工作賺錢能力時，應該盡力還清。如果唔係，到了65歲以後就算想退休，都會因為仲要按樓而只好繼續工作，但超過70歲之後，就可能好難再維持以往的人工水平，生活有機會變得更辛苦。